अभिलाषा

बाटुलो मुहार
मदहोश हेराइ
आँखामा प्रेम छचल्कियोस्
म उसलाई विश्वास गर्न सकुँ
उसले मेरो आत्मसम्मानको रक्षा गरोस्
तिरस्कार हैन, प्रेम गरोस्
घात हैन, विश्वास गरोस्
यो घर आँगन, बस्ती, सखी संगिनीलाई चटक्क छाडेर,
विरान मुलुक त जानै छ
त्यो अञ्जान ठाँउ
ति अपरिचितहरु
त्यो अन्योल वातावरण
सबै क्षण भरमा नै चिर परिचित होस्
जीवनको नयाँ बिहानी,
सुखमय होस् उल्लासमय होस्
म उसलाई आफ्नो भन्न सकुँ
उसले मलाई आफ्नो भनोस्
मेरो जीवनसाथी,
जीवन भरी कै साथी होस् ।